الحلقة الاولى
المشهد الاول
محمد شاب زى اى شاب اتخرج من الجامعة واشتغل بيصحى كل يوم يروح شغله يرجع يقعد مع صحابه ضحك،خروج هزار،شاب وبيعيش سنه لغاية ما فى يوم كان عنده مشوار،قام الصبح لبس هدومه وخد حاجاته ونزل ،ركب المترو_اخيرا لقى كرسي فاضى ،غريبه اوى اول مرة تحصل، حتى هو استغرب،فتح كتاب وقعد يقرا، فاتت محطة وفاتت التانية والتالتة دخلت مجموعة كبيرة فيهم بنت رقيقة شكلها مستعجلة اوى بس ملامحها هادية بص حواليه مالقاش مكان فاضى و
هو:تعالى يا انسة اتفضلى اقعدى
هى:ميرسي
وسع يا استاذ لو سمحت شوية خلى الانسة تقعد
هى:انا اسفة اوى انى قومتك ممكن تدينى الحاجات اللى شايلها اشيلهالك
هو:بس كدة هتعبك
هى:لا لا مفيش حاجة
طيب خدى الكتب دى وانا هشيل اللاب توب
خدتهم وحطت كتبها فوقيهم، هو طبعا بفضول تقليدى بص على الكتب يشوف هى ايه لاقاها كلها بالانجليزى و.............
هو: انتى كليه ايه
هى: انا اداب انجليزى
هو:امممممم هايل ف سنة كام بقا؟ على فكرة انا خلصت تجارة من سنتين
هى: وانتا بتسأل ليه؟
هو:لا عادى يعنى اصلى شايفك رايحة الجامعة بدرى و مستعجلة زى بتوع سنة اولى بس الكتب بتقول غير كدة
هى: امال بتقول ايه الكتب ؟
هو:انتى شايلة كذا كتاب وشكلهم مكلكع اوى على سنة اولى-ابتسامة
هى:لا ابدا دى اصلا روايات مش كتب عشان كدة حجمها كبير
هو:معقول انتى مهتمة بالقراية؟؟ قليل اوى البنات اللى بتحب القراية
هى:لا دى روايات بدرسها بس اه انا بحب القراية
هو:انا كنت زمان غاوى بس خلاص بقا من بعد الجامعة والواحد اشتغل وما بقاش فاضى
الا صحيح انتى اسمك ايه؟؟
هى:نعم ليه يعنى يهمك ف ايه؟
هو:لا يعنى انا اسف لو ضايقتك بس يا ريت اعرف
هى :يعنى انتا بتقول شفت الكتب اعتقد الاسم قدامك كمان
هو: ايه ده معلش العتب على النظر
بس اسمك جميل اوى يا سوسن ،انا محمد المصري،فرصة سعيدة اوى
هى:امممم انا كمان
هو:ممكن سؤال
هى:اتفضل
هو : انتي بتقعدي في كافتريا ايه في الجامعه ؟
هي : مش بقعد ف كافتيريات
هو : ليه امال بتقعدي فين بين المحاضرات
هي : بقعد ورا مبنى القسم بتاعى مع صحباتى
هي :هو في بنات لسه كده ده البنات بقت تشيش دلوقتي
هي : نعم ... طيب عن اذنك عشان محطة الجامعة جت
هو : طيب بس ثانية واحده يا ....يا انسه
هي : نعم اتفضل
هو : ممكن نمرة الموبايل لو مفيهاش احراج انا بجد مبسوط اني اتعرفت عليكي وياريت نبقي اصحاب
هي : بس انا مش عايزة نبقى صحاب انتا قومت وقعدتنى وانا متشكرة اوى وخلاص
هو :ليه بس كده انا والله مقصدش اضايقك
بس بجد انتي انسانه رقيقه ويهمني نبقي اصحاب
صدقيني حتكسبي صديق كويس
هي :لا ما ينفعش
هو : خلاص براحتك ... انا اسف لو ازعجتك واتمني ان الفرصة دي تتكرر تاني
ممكن اقول لااله الا الله ولا حتضايقي برده
هي :لا انا مش متضايقة محمد رسول الله
هو :ميرسي بجد وفرصة سعيده اوي ، باااي
هي : باى
-----------------------------------------
المشهد الثاني
المشهد الثاني
كمل محمد مشواره وهومش قادر ينسي سوسن ، شعور غريب جواه انها مش صدفه عاديه انهم يتقابلوا ، بس هي معبرتوش بالبلدي زي ما بيقولوا
ومدتلوش فرصة حتي يعرف نمرة الموبايل ، دماغه صدعت من كتر التفكير ، اخر ما زهق قرر انه يروح يقعد في اي كافيه يريح دماغه ويشرب حاجة وبعدين قال يكلم انتيمه ابراهيم يقابله ف الكافيه ، حاسس ان دماغه فيها 100 الف حاجة وعايز يفضفض واتفق مع ابراهيم يقابله بعد ساعة في الكافيه اللي دايماً يتقابلوا عنده و ...
ابراهيم : سلامو عليكو .. ايه يا بني قاعد بقالك كتير
محمد : لا ابدا انا لسه جاي من ربع ساعة
ابراهيم : انا بقالي ساعة مش لاقي حتة اركن فيها كان لازم يعني يا اخي تجيبنا وسط البلد الساعة 3
محمد : اصلها حلوة اوي يا هيما
ابراهيم : هي مين دي ياد ؟؟ وسط البلد !!
محمد : وسط البلد ايه يا بني
ابراهيم : امال ايه ياعم ، اااااااااه السرحان ده وراه ايه يا معلم ، انا من الاول قلت في حاجة ، قول يا سيدي اشجيني
محمد : بنوته زي السكر يا ابراهيم حاجة كده تحفه حلاوة ايه ورقة ايه ولا عنيها يا خرابي علي عنيها
ابراهيم : ودي جتلك في الحلم ولا شفتها في فيلم اجنبي
محمد : يا اخي انت مش حتبطل هذارك البايخ ده ، قابلتها في المترو الصبح يا سيدي
ابراهيم : اوباااا ، ده الكلام جد بقي ، احكيلي يابن المحظوظة عملت معاها ايه بقي ظبطت ولا ايه
محمد : ظبطت ايه يااهبل ده انا لولا اسمها كان مكتوب علي الكتاب مكنتش عرفته
ابراهيم : ههههههههههههه اه يا خيبتك ، منا علامي متمرش فيك ، اه يا خيبة املك في ابنك يا ام محمــــد
محمد : يووووه يأم هذارك الرمة ده انا حسيبك وامشي انا جزمة قديمة اصلا انى حكيتلك حاجة
ابراهيم : طب بس بس اهدي في ايه ياعم انت حتاكلني ولا ايه ، معرفتش حتي في كلية ايه ساكنة فين بتقعد في انهي حتة
محمد : هي في رابعة اداب انجليزي ده كل اللي اعرفه ، اه وبتقول انها بتقعد ورا المدرج مع صحباتها بين المحاضرات
ابراهيم : استني استني هي جامعة ايه قاهرة ولا عين شمس
محمد : القاهرة اهيم : يا ابن الايه يا مبخت ده انا كل حبايبي في اداب القاهرة ، طب واللي يقعدك معاها يا بوب تعمله ايه ؟
محمد : اديله علي دماغه ، انت بتتكلم جد ولا بتهذر ، بص المسائل دي مفيهاش هجص
ابراهيم : يا جدع والله كلهم اصحابي ، ادعي بس متطلعش واحدة من اللي كنت انا ماشي معاهم وخلعت احسن تبقي غفلقت عليك ههههههه
محمد : فشر ، تمشي معاك انت يا صايع ... دي ملاك يا بني
ابراهيم : ملاك ههههههههه طب يالا قوم حاسب ياخويا خلينا نروح ، قال ملاك قال ، الواد ده شكله عبيط ولا ايه
------------------------
دخل محمد وابراهيم الجامعة ، محمد قلبه بيدق مش عارف ليه مخضوض ، اعصابه متوتره شوية وبيحاول يهدي نفسه
محمد : انا خايف ياد يا ابراهيم احسن تصدني زي المرة اللي فاتت
ابراهيم : تعالي نروح نجيب ساندوتشين انا واقع من الجوع
محمد : يا اخي انت مبتحسش بقولك خايف وقلبي بيتنفض
ابراهيم : وانا مال أمي انا بخوفك ده منا جاي اظبطلك المصلحة اهو، هو انا سايب شغلي وجاي معاك علشان تقولي انك خايف ، المهم بقولك انا جعان
محمد : طب يالا بس نروح عندهم ان شالله حتي اشوفها وخلاص
ابراهيم : طب تعالي ولو شفتها شاورلي عليها من بعيد واوعي هي تاخد بالها
محمد : طب ايه رأيك تيجي نشوف الجدول بتاع محاضراتهم ايه وحنعرف هي فين دلوقتي
ابراهيم : اه يابن الناصحة تعالي انا اجيبلك الجدول
-------------------------------
ابراهيم : يا محمد دي حتخرج من المحاضره خلاص ، تعالي نلحق بقي نروح علشان تشاورلي عليها ، مستعد
محمد : مستعد ياعم هو انا رايح احارب ، استر يارب
ابراهيم : ابتدينا بقي شغل الحرامية ، ياعم انت مالك مرعوش كده ليه ده انت لو حتظبط نانسي عجرم كان أسهل
محمد : اهي يالا ،، شايفها اللي لابسة تونك تركواز وجنبها بنت لابسه بدي اسود هناك اهم
ابراهيم : يابن الايه دى مزة ياد بجد ما تفوتها يا حمادة واظبطك انا مع واحدة تريحك
محمد : بطل غلبة بقي وشوف حتعمل ايه
ابراهيم : ولا حاجة انت عارف مين اللي واقفه معاها دي ؟
محمد : مين ؟
ابراهيم : دي رحاب كانت من الشلة بتاعتنا ، انت حظك في رجليك دول مش حياخدوا غلوة ، بص انا حدخل عليهم اعمل الواجب واخدهم علي الكافيه بره وانت تجيلنا علي هناك كمان ربع ساعة ، المهم تختفي دلوقتي ومشوفكش غير كمان ربع ساعة ، ماشي يا عمنا
محمد :، ماشى وربنا يستر ،اوعى تقل ادبك ياابن اللذين انا عارفك،
ابراهيم : انت لسه واقف يالا زق عجلك
----------------------------------
ابراهيم : هاااااااي ازيكم يا بنات
رحاب : هااي ازيك يا هيما عامل ايه فينك بقالك كتير مش بتيجي الجامعه
ابراهيم : معلش بقي مشاغل ايه انتوا بتعملوا ايه هنا ماتيلا نروح الكافتريا بدل قعدتكوا علي الرصيف
رحاب : سوسن ده بشمهندس ابراهيم كان زميلنا في الجامعه بس هو اتخرج ، ودي سوسن يا ابراهيم
ابراهيم : فرصة سعيدة اوي يا سوسن
سوسن : اتشرفنا
ابراهيم : طب ما تيالا نروح الكافيه نشرب حاجة انا نسيت قعدة الارصفه دي من زمان ممكن تنورينا يا سوسن ؟
سوسن : امممم ممكن بس عندى محاضرة كمان ساعة
ابراهيم : اوكي انا مش حقعد اكتر من كده ، ساعه واحده كفايه يالا يا جماعه
----------------------------------
المشهد الثالث
راح ابراهيم ورحاب وسوسن الكافيه وقعدوا يتكلموا شوية ، رحاب بتسأل ابراهيم اخبار شغله ايه وهو بيسألها اخبار الجامعه ايه ، كلام عادي ، سوسن مبتتكلمش
وفجأة بيدخل محمد المكان ، سوسن حتبص باستغراب وحتميل علي صاحبتها تقولها يا خبر !! شايفه الولد اللي جاي هناك ده ، هو ده اللي انا كلمتك عنه انه كان عاوز يكلمني اول امبارح ، و ...
محمد : هيمااااااااااااا حبيب قلبي ، ليك وحشه يا راجل ( وااخدين بعض بالحضن واخر اشواق )
ابراهيم : ههههه المصري باشا فينك يابني ، هو انا مشوفكش الا صدفة ولا ايه تعالي اقعد ، استني اما اعرفك ، رحاب و سوسن رابعة اداب ، ده البشمحاسب الاخصائي بتاع الشلة يا جماعة محمد المصري
محمد : فرصة سعيده اوي يا جماعه يضايقكم لو اقعد معاكم ؟
رحاب : ( بصت لسوسن وبعدين بصت لمحمد ) لالالا ابداً اتفضل يا محمد
محمد : طب والانسة سوسن ممكن اقعد ولا ..
سوسن : اتفضل
محمد ميرسي ( وجاب الكرسي وقعد جنب سوسن )
ابراهيم : حتشرب ايه يا حماده ، بس بلاش شيشه علشان معانا بنات ههههههههه
محمد : لا ياعم شيشة ايه ، ممكن اخد قهوة مظبوط ، المهم اخبارك ايه والدنيا عامله ايه معاك
ابراهيم : والله الحمد لله ( موبايله يرن ) ... طب بعد اذنكم يا جماعة حرد بس علي الموبايل
قام ابراهيم مشي بسرعة يرد علي الموبايل ، فضل محمد ورحاب وسوسن التلاته بيبصوا لبعض ومحدش بيقول ولا كلمة ، فجأة موبايل رحاب بيرن و ...
رحاب : الوو ... ايه ؟ ............ طيب طيب اوكي جايه علي طول
بعد اذنكم يا جماعة دقيقه وجاية
سوسن : رايحة فين يارحاب استني انا جايه معاكي
رحاب : لالا استني انا جاية علي طول دقيقه بالظبط وجايه
مشيت رحاب ، مبقاش فاضل غير محمد وسوسن ، مشهد صمت تقليدي في المواقف اللي زي دي ، استمر الصمت دقيقتين عدوا علي الاتنين كأنهم سنة ، و...
محمد : ( بيبص في عنيها ) يعني بتقعدي في كافيهات اهو ؟
سوسن : ( عنيها في الارض ) نعم .. لا انا بس جيت علشان صاحبتي
محمد : والله صاحبتك فيها الخير ، يعني لولا هي صاحبتك انا مكنتش عرفت اتكلم معاكي تاني
سوسن : وانت عايز تتكلم معايا تاني ليه
محمد : يعني مش عارفه ليه ؟
سوسن : لا والله مش عارفه ، انت ليه بقي عايز تتكلم معايا ؟
محمد : اصل ... طيب خلاص
ولا اقولك لا مش خلاص ، فيها ايه لما تديني فرصة نتعرف علي بعض ، انا من اول ما شوفتك وانا حاسس اني حخسر كتير لو متعرفتش عليكي
سوسن : انا مش فاهمه انت عايز ايه بالظبط
محمد : طيب ممكن اسألك سؤال
سوسن : اتفضل
محمد : هو ده لون عنيكي ولا دي لينسز ؟
سوسن : لاء لون عنيا
محمد : يبقي دي اجمل عيون انا شفتها في حياتي ، حد يشوف العيون دي وميتمناش انه يفضل يبص فيها علي طول
سوسن : ( مكسوفة جدا وودت وشها الناحية التانية بابتسامة جميلة )
محمد : شكلك حلو اوي وانتي مكسوفة ، اعتبر الكسوف ده رضا ؟؟ ...... يبقي رضا
فجأه وفي عز اللحظة اللي اندمج فيها بيوصل ابراهيم ورحاب ، محمد من جواه عايز يقوم يخنقهم بس ماسك نفسه و ...
ابراهيم : معلش يا جماعة اتاخرت عليكم كان تليفون مهم
سوسن : ايه يارحاب كل ده كنتي فين
رحاب : معلش يا سوسن والله حكم القوي حبقي احكيلك بعدين
محمد : ايه يا هيما والتليفون بتاعك ده خلص قوام قوام كده
ابراهيم : بيضحك ويقول هو خلص بس لو عايزني اكلمه تاني اكلمه
محمد : لا ياعم بعد ايه الله يسامحك بقي
سوسن : ايه يارحاب مش يالا بقي علشان المحاضرة معلش يا جماعة لازم نمشي علشان نلحق المحاضرة
محمد : ( بيبص لسوسن ) طيب حنشوفكم تاني ؟؟
رحاب : اه طبعاً اكيد ، فرصة سعيدة يا محمد
محمد : طيب سوسن ممكن كلمة صغيرة ؟
سوسن : ( بتبص لرحاب ومتردده ) اه ممكن طبعاً ،محمد : ممكن اخد نمرة الموبايل ؟ اظن بقي احنا بقينا اصحاب
سوسن : لا مش ممكن
محمد : ليه بس
سوسن : انا مش بدي نمرة موبايلي لحد حتي لو من اصحابي
محمد : طب اعتبريني حالة خاصة ، انشالله حتي تعامليني معاملة اطفال ، المهم تديني النمرة
سوسن : طيب مليني نمرتك وانا حبقي ارن عليك
محمد : 010*******
سوسن : طيب حبقي ارنلك باي بقي علشان الحق المحاضرة
محمد : بااي
-------------------------
المشهد الرابع
رحاب : ( بتبص لسوسن وهما ماشيين ) هو في ايه ؟ ايه الموضوع بالظبط
سوسن : ( بصت لصاحبتها زي المتهمين ) موضوع ايه في ايه
رحاب : موضوع المصري وابرهيم اللي سربني
سوسن : ( بتبص باستغراب ) سربك ازاي يعني
رحاب : انتي هبله يا بنتي انتى فاكرانى بجد قمت عشان اعمل حاجة ولا التلفون اللى جالى ده من مين ، ده كان ابراهيم بيقولى قومى وتعالى عايزك ف حاجة لما روحت بقوله فى ايه قالى مفيش بس تعالى نتمشى كدة لغاية علوم ونرجع
قلتله بس احنا كدة هنسيب سوسن لوحدها مع صحبك
قالى وهو المطلوب قلتله ازاى يعنى قالى بصى صاحبى معجب بصاحبتك وعايز يتكلم معاها فهمتى
قلتله ابراهيم انت بتستهبل ، قالى ايه انتى فكراه هياكلها لا ما تقلقيش ده محترم
سوسن : ااااااه بقي كل ده حصل انا حتصل بيه دلوقتي واخرب بيته
رحاب : تتصلي بمين ؟
سوسن : بمحمد المصري
رحاب : ايه ده انتي لحقتي حفظتي اسمه وخدتي نمرته
سوسن : وانا اعمله ايه يعني هو اللي فضل يرزل علشان اخد نمرته ، قلت اخدها واريحه ، والله مكنتش ناويه اتصل بيه بس مادام طلعوا متفقين سوا انا حتصل بيه اهزأه
ليست هناك تعليقات:
إرسال تعليق